Զելենսկի. Անվտանգության երաշխիքների վերաբերյալ փաստաթղթերը պատրաստ են

«Անվտանգության երաշխիքների վերաբերյալ փաստաթղթերը պատրաստ են։ Անվտանգությանը այլընտրանք չկա։ Խաղաղությանը այլընտրանք չկա։ Մեր պետության վերականգնմանը այլընտրանք չկա», – ընդգծել է նա։

Նա նշել է, որ առաջիկա շաբաթվա ընթացքում տեղի կունենան կարևոր միջազգային միջոցառումներ՝ պաշտպանական և անվտանգային ոլորտներում։

«Եվրոպայում մեր դիրքորոշումը պատշաճ կերպով կներկայացվի, նույնը՝ Ամերիկայի հետ հարաբերություններում։ Փաստացի հիմա մեր բանակցային խումբը գրեթե ամեն օր աշխատում է այդ փաստաթղթերի և այն առաջարկների շուրջ, որոնք կարող են արդյունք տալ հաջորդ հանդիպումների ընթացքում։ Եվ ամենակարևորը՝ որպեսզի մեր գործընկերները նույն կերպ տրամադրված լինեն, ինչպես մենք Ուկրաինայում ենք․ խաղաղությունը անհրաժեշտ է, իսկ անվտանգության հուսալի երաշխիքները միակ իրական հիմքն են, որպեսզի խաղաղությունը պահպանվի և որպեսզի ռուսները այս կամ այն հարվածով կամ իրենց այս կամ այն հիբրիդային գործողությամբ չխախտեն պայմանավորվածությունները», – ասել է Ուկրաինայի նախագահը։

Միաժամանակ նա հավելել է, որ ներկայում Եվրոպայում այլևս չեն մնացել երկրներ, որոնք չգիտեն, թե ինչ է նշանակում ռուսական միջամտությունը և ինչպիսի ապակայունացնող գործողություններ կարող է իրականացնել Ռուսաստանը։

Նա ընդգծել է, որ բոլորը տեսնում են, թե ինչ են անում ռուսական մարդասպանները, հրթիռներն ու դրոնները։

«Դրանցից պաշտպանությունը և անվտանգության երաշխավորումը պետք է լինեն շոշափելի և հիմք ստեղծեն երկարատև խաղաղության համար», – ընդգծել է Զելենսկին։