Նոր Զելանդիայում գտել են ավելի քան 60 մլն տարի առաջ ապրած հսկա պինգվինի մնացորդներ
Հնէաբանները նկարագրել են հսկա պինգվինների նոր կարգ եւ տեսակ՝ Kumimanu biceae, որոնք Նոր Զելանդիայում բնակվել են 60-65 մլն տարի առաջ: Թռչունների հասակը գրեթե մարդու հասակին էր հավասար, իսկ քաշը 100 կգ-ից անցնում էր, հայտնում է Nature Communications-ը:
Հնագույն պինգվինները մոտ 66 մլն տարի առաջ, ըստ երեւույթին, բնակվել են ժամանակակից Նոր Զելանդիայում եւ Անարկտիդայում: Հենց այս ժամանակաշրջանում է տեղի ունեցել զանգվածային բնաջնջումը, որի հետեւանքով անհետացել են դինոզավրերը, ծովային եւ թռչող մողեսները: 62 մլն տարեկան պինգվինների մնացորդները հայտնաբերվել են Նոր Զելանդիայի Հարավային կղզում Վայպար գետի շերտերում:
Նոր Զելանդիայից եւ Գերմանիայից հնէաբանները նոր հոդվածում նկարագրել են եւս մեկ հսկա պինգվինի, որի ոչ ամբողջական կմախքը գտել են նույն գետի շրջանում: Հնէաբանները նոր տեսակն անվանել են Kumimanu biceae: Այն 1,77 մետր հասակ ուներ, կշռում էր մոտ 101 կգ: Այն երբեւէ գոյություն ունեցած պինգվիններից ամենախոշորն էր, բացի Palaeeudyptes klekowskii-ի, որը հասնում է մոտ 2 մետրի, 37-34 մլն տարի առաջ բնակվել է ժամանակակից Անտարկտիդայի տարածքում: