Թե որքա՞ն է կազմել ՊԵԿ նախագահի և տեղակալների ստացած պարգևավճարների չափը, ՊԵԿ-ից հայտնել են, որ այդ տվյալները անձնավորված են և չեն կարող տրամադրվել:
«Միաժամանակ, հաշվի առնելով, որ «Հանրային ծառայության մասին» ՀՀ օրենքի 34- րդ հոդվածով սահմանված գույքի, եկամուտների, շահերի և փոխկապակցված անձանց մասին հայտարարագրման պարտականություն ունեցող պաշտոնատար անձիք նույն օրենքի համաձայն ներկայացնում են հայտարարագրեր, հետևաբար' վերջիններիս կողմից հայտարարագրած եկամուտները տեսանելի և հասանելի կլինեն հանրությանը»,-տեղեկացրել են ՊԵԿ-ից:
Փաստարոեն, նույնիսկ ՊԵԿ գլխավոր քարտուղարն է նկատել, որ բարձրաստիճան պաշտոնատար անձ հանդիսացող ՊԵԿ նախագահը և տեղեկալները հայտարարագրման պարտականություն ունեցող պաշտոնատար անձինք են, հետևաբար օրինաչափ է, որ բարձրաստիճան պաշտոնյաների ստացած եկամուտները հրապարակվեն ոչ միայն հայտարարգրերի ռեեստրում, այլևս ԶԼՄ-ների կողմից, իսկ այդ տեղեկատվությունը ժամանակավորապես թաքցնելը, մեղմ ասած անտրամաբանական է:
Բացի այդ նկատենք, որ «Տեղեկատվության ազատության մասին» ՀՀ օրենքում «անձնավորված տվյալ» հասկացություն գոյություն չունի: ՏԱ օրենքի 8-րդ հոդվածի համաձայն՝ տեղեկատվության տրամադրումը ենթակա է մերժման, եթե այն պարունակում է պետական, ծառայողական, բանկային, առևտրային գաղտնիք կամ խախտում է մարդու անձնական կյանքի գաղտնիությունը:
Իսկ ՊԵԿ պաշտոնյայի վկայակոչած՝ տեղեկատվության «անձնավորված» լինելը չի կարող հանդիսանալ տեղեկատվության չտրամադրման հիմք, ինչի վերաբերյալ անգամ նախադեպային որոշումներ կան:
Մասնավորապես՝ ՀՀ վարչական դատարանը 2022-ի հունիսի 9-ին բավարարել էր Ինֆորմացիայի ազատության կենտրոնի (ԻԱԿ) հայցը՝ ընդդեմ Երևանի քաղաքապետարանի, որը մերժել էր տրամադրել ամբողջական տեղեկատվություն՝ նշելով միայն անձնական տվյալների գաղտնիության հիմքը: Դատարաը նախադեպային որոշում էր կայացրել՝ արձանագրելով, որ զուտ անձնական տվյալ լինելը չի կարող հանդիսանալ տեղեկատվության չտրամադրման հիմք:
ՊԵԿ-ում հավանաբար մտադիր են մի քանի ամիս ևս թաքցնել ՊԵԿ ղեկավարության ստացած պարգևատրումների չափը, հույս ունենալով, որ հանրությունը որոշ ժամանակ անց անտարբեր կլինի աստղաբաշխական պարգևավճարների մասին լսելով:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...
Visa-ն իր անվտանգությունը հանձնում է արհեստական բանականությանը