Ո՞ր մարզում է հանցավորության մակարդակը ամենից բարձր

ՀՀ վիճակագրական կոմիտեի հրապարակած տվյալների համաձայն 2025թ հունվար-նոյեմբեր ամիսներին  Հայաստանի Հանրապետությունում կատարվել է 14 783 հանցագործություն, որոնցից ամենաշատը՝ 5 633-ը, կատարվել են Երևանում, իսկ ամենաքիչ հանցագործություններ կատարվել են Վայոց ձորում։

Մարզերում և Երևանում գրանցված հանցագործությունների վիճակագրական պատկերը ներկայացված է  աղյուսակում 1-ում։

Կատարված հանցագործությունների տվյալները համադրելով 2021 թվականին անցկացված մարդահամարի արդյունքների հետ՝ հնարավոր է հաշվարկել 1000 բնակչի հաշվով հանցագործությունների թիվը, ինչը թույլ է տալիս ավելի օբյեկտիվ գնահատել հանցավորության մակարդակը յուրաքանչյուր մարզում և Երևանում։ Ըստ այդ հաշվարկների՝ բնակչի հաշվով ամենաբարձր հանցավորության մակարդակը գրանցվել է Արմավիրի մարզում։

Ամբողջական պատկերը ներկայացված է աղյուսակում 2-ում։

Թվերը ցույց են տալիս, որ հանցավորությունը Հայաստանում կենտրոնացած չէ միայն մայրաքաղաքում, չնայած թվային արտահայտությամբ առաջատարը հենց Երևանն է։ Բնակչի հաշվով հաշվարկները ցույց են տալիս մարզեր, որտեղ հանցագործությունների մակարդակը համեմատաբար բարձր է, ինչն ուշադրության կենտրոնում պետք է պահեն թե՛ իրավապահ մարմինները, թե՛ քաղաքականություն մշակողները։

Top-News.am