«Պատմական նշանակություն ամբողջ տարածաշրջանի համար». Տոկաեւը վաշինգտոնյան համաձայնագրերի մասին. 

Ղազախստանի նախագահ Կասիմ-Ժոմարտ Տոկաեւը հայտարարել է, որ Ադրբեջանի և Հայաստանի միջև վաշինգտոնյան համաձայնագրերը բացում են նոր, լայն հնարավորություններ Հարավային Կովկասում և դրանից դուրս համագործակցության զարգացման համար: Նա այս հայտարարությունն արել է Աշխաբադում կայացած Խաղաղության և վստահության միջազգային ֆորումում, հայտնում է Хроника Кавказа տելեգրամյան ալիքը:

Տոկաևը ընդգծել է, որ Բաքվի և Երևանի միջև համատեղ հռչակագրի ստորագրումը պատմական նշանակություն ունի և ստեղծում է երկարաժամկետ կայունության հեռանկարներ: Նա հույս է հայտնել, որ համապարփակ խաղաղության պայմանագիրն արագ կստորագրվի:

Top-News.am