Վատիկանում Հռոմի Պապի գլխավորությամբ տեղի է ունեցել արքեպիսկոպոս Իգնատիոս Մալոյանի սրբադասման արարողությունը

Վատիկանում, Հռոմի Պապ Լևոն XIV-ի գլխավորությամբ, տեղի է ունենում արքեպիսկոպոս Իգնատիոս Մալոյանի սրբադասման արարողությունը։

Այս իրադարձության կապակցությամբ Սուրբ Պետրոսի հրապարակում հազարավոր հավատացյալներ են հավաքվել։

Հիշեցնենք, որ Վատիկանում է նաև Հայաստանի վարչապետ Նիկոլ Փաշինյանը։

Նա մասնակցում է արքեպիսկոպոս Իգնատիոս Մալոյանի և վեց այլ սրբերի սրբադասման արարողությանը։

Այցի շրջանակում նախատեսված է վարչապետ Նիկոլ Փաշինյանի անձնական հանդիպումը Նորին Սրբություն Հռոմի Պապ Լևոն XIV-ի հետ։

Հայաստանի վարչապետը կհանդիպի նաև Սուրբ Աթոռի պետքարտուղար Պիետրո Պարոլինի հետ։

Մայր Աթոռ Սուրբ Էջմիածինը արարողությանը ներկայացնում է արքեպիսկոպոս Խաժակ Պարսամյանը, իսկ Մեծի Տունն Կիլիկիո կաթողիկոսությունը՝ եպիսկոպոս Մեսրոպ Սարգսյանը։

Իգնատիոս Մալոյանը հայ կաթոլիկ հոգևորական էր, որը 1911-ից 1915 թվականներին ծառայել է որպես Մարդինի արքեպիսկոպոս։

Իսլամ ընդունելու բազմակի մերժումներից հետո նա ենթարկվել է խոշտանգումների և սպանվել օսմանյան ժանդարմերիայի կողմից Հայոց ցեղասպանության ժամանակ, մասնավորապես՝ Դիարբեքիրի վիլայեթում՝ Մեհմեդ Ռեշիդի հրամանատարությամբ։

Մալոյանը 2001 թվականին Հռոմի Պապ Հովհաննես Պողոս II-ի կողմից դասվել է երանելիների շարքին՝ որպես նահատակ։ 2025 թվականին Հռոմի Պապ Ֆրանցիսկոս Առաջինը հավանություն է տվել նրան սրբադասելու ծրագրին։