Լուկաշենկոյի «մոլորվելն» ու Նազարբաևի վերարկու հանելը. մինսկյան հանդիպման զավեշտալի դրվագները (տեսանյութեր)
Հավաքական անվտանգության պայմանագրի կազմակերպությանը (ՀԱՊԿ) անդամակցող երկրների ղեկավարների մինսկյան հանդիպումն առանձնացել է մի շարք ուշագրավ դրվագներով:
Համացանցում տարածված տեսանյութերից մեկում երևում է, թե ինչպես է խմբակային լուսանկարից հետո հյուրընկալող երկրի՝ Բելառուսի նախագահ Ալեքսանդր Լուկաշենկոն ուղեկցում իր գործընկերներին դեպի ձախ, ինչից հետո նրան հուշում են, որ վերջինս սխալվել է և պետք է աջ ուղեկցի:
Շփոթված Լուկաշենկոն ստիպված ուղղում է սխալն ու այժմ էլ աջ կողմ ուղղորդում ՀԱՊԿ անդամ երկրների նախագահներին:
Ղազախստանի նախագահ Նուրսուլթան Նազարբաևը նույնպես զվարճացրել է համացանցի օգտատերերին՝ իր ձմեռային վերարկուն հանելով հենց Լուկաշենկոյի նստավայրի դռների մուտքի մոտ: Հապճեպ հանված Նազարբաևի վերարկուն հասցրել են բռնել, իսկ նա շարունակել է քայլել դեպի իր բելառուս գործընկերը:
Не туда: Лукашенко повел ОДКБ в неверном направлении pic.twitter.com/7QQCmhs1un
— Дмитрий Смирнов (@dimsmirnov175) 30 ноября 2017 г.