ՇՀԿ-ն կոչ է արել ամրապնդել ընտանիքի ինստիտուտը

Շանհայի համագործակցության կազմակերպության (ՇՀԿ) երկրները կոչ են արել ջանքեր գործադրել ընտանիքի ինստիտուտը ամրապնդելու և երիտասարդների անօրինական գործունեության մեջ ներգրավումը կանխելու համար։ Այս մասին ասվում է Տյանցզինում կայացած գագաթնաժողովի եզրափակիչ հռչակագրի տեքստում։

«Անդամ պետությունները, վերահաստատելով կանանց և երեխաների իրավունքների ապահովման իրենց հանձնառությունը, այդ թվում՝ կրթության, առողջապահության, սոցիալական և իրավական պաշտպանության, ընտանիքի ինստիտուտի պահպանման և ամրապնդման, ինչպես նաև խտրականության անթույլատրելիության ոլորտներում, պաշտպանում են կանանց ասոցիացիաների միջև կապերի ամրապնդումը՝ որպես ՇՀԿ գործունեության կարևոր ոլորտ»։

Նրանք անհրաժեշտ են համարում կանոնավոր կերպով անցկացնել ֆորումներ, կոնգրեսներ և կանանց հանդիպումներ, ինչպես նաև ձևավորել ՇՀԿ անդամ պետությունների համապատասխան կառույցների միջև փոխգործակցության մեխանիզմ», - ասվում է փաստաթղթում։

Այնտեղ նշվում է, որ կազմակերպության երկրները, «ընդգծելով երիտասարդ սերնդի անվտանգ զարգացման համար պայմանների ստեղծման և անօրինական գործունեության մեջ նրա ներգրավվածության ռիսկերի նվազեցման կարևորությունը, կնպաստեն երիտասարդական համագործակցության հետագա ամրապնդմանը»։