Դպրոցական վիրավորանքների համար սպանել է նախկին դասընկերոջը
ՌԴ Օրենբուրգի մարզի բնակիչը մեղադրվում է դպրոցական տարիքում իրեն վիրավորելու համար համադասարանցուն ծեծելու եւ սպանելու մեջ, հայտնում է «ՌԻԱ Նովոստի»–ն։
Հետաքննության տվյալներով՝ Սուլտակայ գյուղի ակումբում միջադեպը տեղի է ունեցել մայիսին։ 25-ամյա տեղաբնակ տղամարդը հանդիպել է նախկին համադասարանցուն, նրանք վիճել են, մեղադրյալը սկզբում ծեծել է դպրոցական ընկերոջը, հետո դանակի մի քանի հարված հասցրել։ Տղամարդը ստացած վնասվածքներից հիվանդանոցում մահացել է։
«Մեղադրյալը հետաքննությանը հայտնել է, որ իր ծանոթին ծեծել է վրեժխնդրության հողի վրա, որպեսզի հաշվեհարդար տեսնի դպրոցական տարիքում իրեն նեղացնելու համար։ Տղամարդը խոստովանել է իր մեղքը»,– ասված է ՌԴ ՔԿ հայտարարության մեջ։