Հայաստանի հետ «խաղաղության բանակցությունները» տևել են մի քանի տարի և ավարտվել Վաշինգտոնում. Ալիև

Նա նշել է, թե Հայաստանի հետ «խաղաղության բանակցությունները» տևել են մի քանի տարի և ավարտվել Վաշինգտոնում՝ նախագահ Թրամփի և նրա թիմի ակտիվ աջակցությամբ։

«Կարծում եմ՝ սա իրոք հակամարտության ավարտն է, պատերազմի ավարտը։ Պաշտոնական խաղաղության պայմանագիրը չստորագրվեց մի կոնկրետ պատճառի համար․ Հայաստանի սահմանադրությունում դեռևս կա մի դրույթ, որը կասկածի տակ է դնում Ադրբեջանի տարածքային ամբողջականությունը։

Մեր հասկացմամբ՝ նրանք կկատարեն փոփոխություն։ Եվ հենց որ այդ սահմանադրական փոփոխությունը արվի, և Ադրբեջանի նկատմամբ տարածքային պահանջները հանվեն, կստորագրվի պաշտոնական խաղաղության պայմանագիրը։

Բայց այն փաստը, որ այդ փաստաթուղթը նախաստորագրվեց Ադրբեջանի և Հայաստանի կողմից Սպիտակ տանը՝ նախագահ Թրամփի ներկայությամբ, արդեն նշանակում է ավելի քան երեսուն տարի տևած պատերազմի ավարտ։ Դա բացում է բոլորովին նոր հնարավորություններ ինչպես Հարավային Կովկասի տարածաշրջանի, այնպես էլ ավելի լայն՝ Կենտրոնական Ասիայի և Մերձավոր Արևելքի համար»,- ասել է Ալիեւը