Մեզ համար կարևոր էր, որ Հայաստանի և որևէ այլ երկրի ինքնիշխանությունը չխաթարվի. Իրանի ԱԳ նախարարը՝ «Թրամփի ուղու» և Թեհրանի մտահոգությունների մասին
Այս հարցի (Վաշինգտոնում համաձայնությունների) շրջանակը հիմա լիովին պարզ չէ։ Այս մասին IRNA գործակալությանը տված հարցազրույցում ասել է Իրանի արտաքին գործերի նախարար Աբբաս Արաղչին՝ նշելով, որ դրա վերաբերյալ ՀՀ վարչապետ Նիկոլ Փաշինյանը, ՀՀ ԱԳ նախարար Արարատ Միրզոյանը և փոխարտգործնախարար Վահան Կոստանյանը սպառիչ բացատրություններ են տվել իրանական կողմին։
«Երբ սկսվեց «Զանգեզուրի» քննարկումը, գլխավոր գաղափարը հայկական Սյունիքի մարզը գրավելն էր և Նախիջևանի ու Ադրբեջանի մայրցամաքային մասի միջև տարածքային կապ ստեղծելը։ Գաղափարը կայանում էր այդ մարզը գրավելու մեջ։ Մենք այն ժամանակ լուրջ մտահոգություններ հայտնեցինք։ Այնուհետև խոսվեց 5-10 կիլոմետր լայնությամբ միջանցք ստեղծելու մասին, որը կկապեր այս երկու շրջանները և կլիներ Ադրբեջանի, այլ ոչ թե Հայաստանի ինքնիշխանության ներքո։ Այդ ժամանակ մենք լուրջ աշխարհաքաղաքական մտահոգություններ ունեինք։ Մեր զինված ուժերը տեղակայված էին սահմանի մոտ, և մենք ստեղծեցինք ռազմական ներկայություն։ Բայց Ադրբեջանը մեզ վստահեցրեց, որ նման գաղափարները բացառվում են։
Այժմ այս բոլոր գաղափարները վերածվել են մի ճանապարհի, որը կառուցվում է Հայաստանում գրանցված ամերիկյան ընկերության կողմից և Հայաստանի օրենքների ու իրավասության ներքո: Այս ճանապարհը գտնվում է Հայաստանի ինքնիշխանության ներքո: Մեր կողքին ամերիկյան զորքեր չեն տեղակայվի, և Իրանի բոլոր կարմիր գծերը հարգվում են:
Սա պարզապես մասնավոր ամերիկյան ինժեներական ընկերություն է. ո՛չ պահնորդային, ո՛չ էլ ռազմական: Աժմերիկյան ուժեր չկան այնտեղ, և Հայաստանն ինքն է ապահովում անվտանգությունը: Նրանք նույնիսկ թույլ չեն տալիս ամերիկյան մասնավոր պահնորդային ընկերություններին մուտք գործել երկիր...
ԱՄՆ նախագահի ներկայությամբ Հայաստանի և Ադրբեջանի կողմից ստորագրված համատեղ հայտարարության մեջ նշվում է, որ տարածաշրջանի սահմանները անփոփոխ են, տարածաշրջանի բոլոր երկրների անկախությունն ու տարածքային ամբողջականությունը հարգվում են, և սա հենց մեր դիրքորոշումն է: Այսինքն՝ ի սկզբանե մեր դիրքորոշումն այն էր, որ Կովկասում ինչ քայլեր էլ ձեռնարկվեն, տարածաշրջանի սահմանները չպետք է փոխվեն: Մեզ համար կարևոր էր, որ Հայաստանի և որևէ այլ երկրի ինքնիշխանությունը չխաթարվի»,– ասել է Արաղչին:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է