Այսօր սկսվում է Սբ․ Աստվածածնի շաբաթապահքը

Բարի լույս սիրելիներ։ Այսօր սկսվում է Սբ․ Աստվածածնի շաբաթապահքը (5-օրյա պահք է), քանի որ առաջիկա Կիրակի օրը Սբ․ Աստվածածնի Վերափոխման տոնն է։ Շաբաթապահք պահելու ձևը չի տարբերվում մյուս պահքերի ձևերից։ Որպեսզի պահքը գործուն լինի՝ մարդը պիտի ապաշխարության կյանք ապրի։ Լեզուդ պահիր չար խոսքերից ու զսպիր քեզ չար ցանկություններիդ մեջ։ Հրաժարվիր մեղքից ու սիրտդ մաքուր պահիր։ Մարդկանց վատություն մի արա։ Մի վերցրու այն ինչ քեզ չի պատկանում։ Մի խաբիր մարդկանց ոչ մի բանի մեջ։ Ուշադիր եղիր հագ ու կապիդ ու ծածկիր մարինդ։ Մի գայթակղիր ուրիշներին, դա շատ մեծ մեղք է։ Ճանաչիր քո Աստծուն։ Այս պահոց օրերին ավելի շատ Աստվածաշունչ կարդա։ Օրինակ կարդա 4 Ավետարաններից գոնե մեկը։ Կամ ասենք Հակոբոս առաքյալի նամակը, որն ընդամենը 5 գլուխ է։ Գոնե ամեն օր մի գլուխ՝ և խրատներն օգտագործիր քո կյանքի մեջ։ Օրվա ընթացքում ավելի հաճախ աղոթիր։ Սիրիր քո Տեր Աստծուն քո ամբողջ սրտով ու քո մերձավորին՝ ինչպես քո անձը։ Մի թող սրտիդ մեջ նենգություն մտնի։ Ծածուկ բարի գործեր արա։ Ծածուկ։ Շնորհակալություն ու գնահատանք մի սպասիր։ Ապրիր սեփական անձդ ուրացած ու խաչդ կրելով՝ ինչպես պատվիրեց Փրկիչը։ Ուտելիքի մեջ հրաժարվիր այս օրերին բոլոր այն կերակուրներից որոնք ունեն կենդանական ծագում (կաթնեղեն, մսեղեն, ձու, - մեղր կարելի է), իսկ եթե հղի ես կամ բուժվում ես, կան մեղմություններ, որոնց մասին լավ կլինի խորհրդակցես քո քահանայի հետ։ - Դուք նկատեցիք, որ կերակուրի մասին գրեցի վերջում, որովեհտև առանց վերոհիշյալ հոգևոր բաների ձեր կերակրի պահքը կլինի սոսկ դիետա, այլ ոչ թէ պահեցողություն։ - Հարազատներ ջան, եկեք մեր սրտերը մաքրելով, մեր մեղքերը խոստովանելով, ավելի շատ ծածուկ բարություն անելով ու Աստվածաշունչ կարդալով այս պահոց 5 օրերին հեզությամբ ու խոնարհությամբ պատրաստվենք տոնել մեր Սուրբ Աստվածածնի Վերափոխման տոնը։ Բարի օր բոլորիդ։ Խնդրում եմ, կիսեք ձեր էջին, որպեսզի ավելի շատ մարդիկ իմանան։ Իրենց էլ պետք կգա։