Իսպանիայում 120 մլն եվրո արժեքով հերոին է առգրավվել
Իսպանիայի ոստիկանությունը բռնագրավել է հերոին, որի արժեքը սեւ շուկայում 120 միլիոն եվրոյի է հասնում: Այդ մասին հայտարարել է Իսպանիայի ներքին գործերի նախարար Խուան Իգնասիո Սոիդոն, հաղորդում է «ՌԻԱ Նովոստին»:
Ասուլիսի ընթացքում նախարարը նշել է, որ հերոինի ընդհանուր ծանրությունը գերազանցում է 330 կիլոգրամը. սա Իսպանիայում երբեւէ առգրավված թմրամիջոցի ամենախոշոր բեռն է:
Mundo-ն գրում է, որ 263 կգ հերոինը ցեմենտի պարկերում էր թաքնված, որոնք պահվում էին Բարսելոնի նավահանգստում: Հերոինի մյուս մասը այս գործով ձերբակալված կասկածյալների բնակության վայրում խուզարկության ժամանակ է առգրավվել: