Հաղորդվում է, որ բոսնիացի խորվաթների նախկին հրամանատարը Հաագայի դատարանում թույն խմելու հետևանքով մահացել է (Տեսանյութ)
Խորվաթիայի հանրային հեռուստաընկերությունը հաղորդել է, որ բոսնիացի խորվաթների նախկին հրամանատար Սլոբոդան Պրալյակը մահացել է այն բանից հետո, երբ Հաագայի միջազգային դատարանի այսօրվա նիստում թույն է խմել:
Նիդեռլանդների իրավապահներից այս պահին մեկնաբանություններ չկան:
1992-95 թվականի բոսնիական պատերազմում հանցագործություններ կատարելու մեղադրանքներով նա նախկինում դատապարտվել էր 20 տարվա ազատազրկման:
Այսօրվա նիստում լսվում էր բոսնիացի խորվաթների նախկին վեց առաջնորդների բողոքը և երբ դատարանը անփոփոխ թողեց վճիռը, նախկին հրամանատարը բացականչեց, որ ինքը պատերազմի հանցագործ չէ և արհամարհանքով մերժում է դատավճիռը: Այդ պահին նա սրվակից հեղուկ խմեց հայտարարելով թե դա թույն էր: Դատավորը ընդհատել էր նիստը և բժիշկ հրավիրել:
