«Պատվի սպանություն»՝ Պակիստանում
Պակիստանում ոստիկանությունը գերեզմանից հանել է տղամարդու եւ կնոջ մարմինները՝ կասկածելով, որ նրանք այսպես կոչված պատվի սպանության հետեւանքով են մահացել:
Reuters-ի հաղորդմամբ՝ 25-ամյա ամուսնացած Աբդուլ Խադին իր 21 ամյա Հուսեյնի Բիբի զարմուհու հետ փախել է: Զույգը բնակություն է հաստաել Կարաչի քաղաքում: Տան տերը ոստիկանությանը հայտնել է նրանց խորհրդավոր անհետացման մասին, ընդ որում տանը արյան հետքեր եւ սպանության նախանշաններ են եղել:
Հարազատների հարցաքննությունները ոստիկաններին գերեզմանանոց են բերել: Մահացածների մարմինները հանվել են գերեզմանից: Ոստիկանությունը կարծում է, որ Աբդուլա եւ Հուսեյնի ընտանիքները դավադրություն են կազմակերպել սպանության նպատակով:
Այսպես կոչված պատվի սպանությունները հաճախ ազգականները կազմակերպում են այն ժամանակ, երբ ընտանիքի անդամներից մեկը խայտառակում է ընտանիքի պատիվը: