Զիմբաբվեի նախկի նախագահն ամսական 150 հազար դոլար կստանա
Զիմբաբվեի նախկի նախագահ Ռոբերտ Մուգաբեն մինչեւ կյանքի վերջը ամսական 150 հազար դոլար կստանա, հայտնում է Guardian-ը։ Պարբերականի տեղեկություններով՝ նախագահի պաշտոնից հրաժարական տալու մասին համաձայանագրով նախատեսվում է Մուգաբեին իրավաբանական անձեռնմխելիություն ապահովել եւ դրամական վճարումներ է երաշխավորում։ Նախկին նախագահն անմիջապես 5 մլն դոլար կստանա, որից հետո առաջիկա ամիսներին Զիմբաբվեի իշխանությունները եւս մի քանի փոխանցում կկատարեն Մուգաբեին։
Թերթի հաշվարկով՝ ընդհանուր առմամբ Զիմբաբվեի նախկին նախագահը կարող է մինչեւ 10 մլն դոլար ստանալ։ Դրանից բացի, համաձայնագրով Մուգաբեն ամսական մինչեւ 150 հազար դոլար կստանա։