Մեծ Բրիտանիայի պաշտպանության փոխնախարարը հրաժարական կտա բանակի թվակազմի կրճատման դեպքում
Մեծ Բրիտանիայի պաշտպանության փոխնախարար Թոբիաս Էլվուդը սպառնացել է հրաժարական տալ, եթե ազգային բանակի քանակակազմը 70 հազար զինծառայողից նվազի։ Այս մասին հայտնում է The Times–ը։
Ըստ թերթի տեղեկությունների՝ Էլլվուդը լուրջ մտահոգություններ ունի Ֆինանսների նախարարության՝ բյուջետային ծախսերի կրճատման պլանների կապակցությամբ, ինչը կանդրադառնա Միացյալ Թագավորության ՊՆ–ի վրա։ Նախարար Գեւին Ուիլյամսոնն իր հերթին զարմացել է բրիտանական բանակի կազմը կրճատելու եւ մինչեւ նապոլեոնյան ժամանակաշրջանի թվաքանակին հասցնելու պլաններից։
Գոտիները ձգելու քաղաքականությունը կհանգեցնի տանկերի եւ այլ զրահատեխնիկայի պարկի արդիականացման պլանների հետաձգմանը եւ նոր սերնդի Ajax զրահամեքենաների պատվերների քանակի կրճատմանը։