Պետության կազմաքանդումը շարունակվում է․ Մհեր Մելքոնյան
ԱԺ «Հայաստան» խմբակցության պատգամավոր Մհեր Մելքոնյանը ֆեյսբուքյան իր էջում գրում է․
«Պետության կազմաքանդումը շարունակվում է․․․․
Հայրենական անասնապահությունը, որը վերջին տարիներին որևէ լուրջ ձեռքբերումով աչքի չէր ընկնում, այժմ գտնվում է շատ մտահոգիչ վիճակում։ Հայաստանում խոշոր եղջերավոր անասունների գլխաքանակը սիստեմատիկորեն նվազում է։ Իսկ տավարի մսի ինքնարժեքը, որը երբեք էժան չի եղել սպառողների համար, ավելի է թանկանում։
Վերջերս հարցումով դիմել էի Շիրակի մարզի բոլոր համայնքների (բացառությամբ Գյումրի համայնքի) ղեկավարներին՝ ճշտելու համայնքներում խոշոր եղջերավոր կենդանիների գլխաքանակը։ Ստացված տվյալները շատ մտահոգիչ էին։ Մարզում շարունակվում է խոշոր եղջերավոր անասունների գլխաքանակի կրճատման տագնապալի միտումը։ Անասնագլխաքանակի հատկապես զգալի կրճատում է նկատվել Ամասիա և Աշոցք համայնքներում։
Խոշոր եղջերավոր կենդանիների գլխաքանակի կտրուկ կրճատումը կարող է լուրջ հետևանքներ ունենալ ներքին գյուղատնտեսության և ընդհանրապես երկրի պարենային անվտանգության համար: Անասնագլխաքանակի պակասումը հանգեցնում է կաթի և մսի արտադրության նվազմանը, ինչը կարող է բերել այդ մթերքների գների բարձրացմանը և բացասաբար ազդել բնակչության համար սննդի մատչելիության վրա:
Խոշոր եղջերավոր կենդանիների գլխաքանակի նվազման հնարավոր պատճառներից մեկը կարող է լինել գյուղատնտեսության անկայունությունը՝ պայմանավորված տարբեր գործոններով, ինչպիսիք են կաթի մթերման ցածր գները, կառավարության թիրախավորված աջակցության բացակայությունը, կերի բացակայությունը, անասունների պահպանման բարձր ծախսերը և այս ոլորտում երիտասարդ և բանիմաց մասնագետների բացակայությունը:
Այս խնդիրը լուծելու համար անհրաժեշտ, որ կառավարությունը պատրաստ լինի իրականացնել գյուղատնտեսության աջակցության և զարգացման համապարփակ և երկարատև միջոցառումներ, ներառյալ գյուղատնտեսական արտադրողների սուբսիդավորումը, մատչելի վարկերի ապահովումը, ենթակառուցվածքների զարգացումը և գյուղատնտեսության ոլորտում աշխատողների որակավորման բարձրացումը: Նման միջոցառումները կօգնեն կայունացնել իրավիճակը և նպաստել Հայաստանում խոշոր եղջերավոր կենդանիների գլխաքանակի ավելացմանը ՝ ապահովելով մեր պետության պարենային անվտանգություն և գյուղատնտեսության զարգացումը»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...