Հրապարակավ դատապարտե՛ք ոստիկանության վերջին գործողությունները․ Վարդան Օսկանյանի կոչը՝ ՀՀ-ում հավատարմագրված դեսպաններին և միջազգային հանրությանը
ՀՀ ԱԳ նախկին նախարար, փորձառու դիվանագետ Վարդանյան Օսկանյանն իր ֆեյսբուքյան միկրոբլոգի էջում տեսանյութ է հրապարակել՝ կոչով դիմելով միջազգային հանրությանն ու ՀՀ-ում հավատարմագրված օտարերկրյա դեսպաններին։
Նա նշում է, որ իր ուղերձը նախատեսված է ՀՀ-ում դիվանագիտական բոլոր ներկայացուցչությունների համար՝ պայմանավորված Նիկոլ Փաշինյանի հրաժարականի պահանջով ընթացող խաղաղ ցույցի, բողոքի ակցիաների ժամանակ ՀՀ ոստիկանության վերջին բռնի գործողություններով։
Օսկանյանի որակմամբ, տագնապալի ու ամոթալի էր այսօր տեսնել ոստիկանական պատը Ամենայն հայոց կաթողիկոսի առջև, որով ոստիկանության աշխատակիցները խոչընդոտում էին նրա մուտքը Սարդարապատի հուշահամալիր, ինչպես նաև նրանց կողմից խաղաղ ցույցերի ընթացքում անհամաչափ կոշտ, դաժան ուժի կիրառումը քաղաքացիական բոլոր անձանց դեմ՝ անկախ սեռից և տարիքից՝ տարեց, կին, երեխա, այդ թվում՝ ԱԺ պատգամավորների նկատմամբ, որոնք օրենքի ուժով օժտված են անձեռնմխելիությամբ։
«Իրավիճակը Հայաստանում տագնապեցնող է, նվազեցված ինքնիշխանությամբ, աճող ներքին տարաձայնություններով. իշխանությունը պահելու համար ՀՀ իշխանությունները դիմում են ավտորիտար քայլերի։ Այս փոփոխությունը դեպի ավտորիտար ոստիկանապետություն տեղի ունեցավ 44-օրյա պատերազմից հետո, որը խիստ քայքայել է քաղաքացիական ազատությունները՝ իշխանությունը կենտրոնացնելով մի քանիսի և նույնիսկ մեկ անձի ձեռքում։ Միջազգային հանրությունը չպե՛տք է աչք փակի այս զարգացումների վրա։ Ես անձնապես Ձեզ կոչ եմ անում, Ձեզ, որպես դեսպանների, որոնք ժողովրդավարության և մարդու իրավունքների ոլորտում առաջամարտիկ են, հրապարակայնորեն դատապարտել ոստիկանության վերջին բռնի գործողությունները Հայաստանում։ Ձեր դատապարտումը հզոր ուղերձ կդառնա ՀՀ իշխանությունների համար՝ այն մասին, որ միջազգային հանրությունը հետևում է իրավիճակին և չի հանդուրժի ժողովրդավարական ազատությունների քայքայում, այն ազատությունների, որոնք դեռ մնացել են Հայաստանում»,-նշում է Վարդան Օսկանյանը։
Նա լիահույս է, որ դրանով հաշվետվողականության դաշտ կբերեն նման կոշտ ուժ կիրառողներին, ինչպես նաև նման հրաման տվողներին։
«Կարևոր է, որպեսզի միջազգային հանրությունը համերաշխ լինի ՀՀ քաղաքացիների հետ ժողովրդավարության, արտահայտվելու ազատության համար նրանց պայքարում»,-ընդգծում է Վ. Օսկանյանը։
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...