Ճապոնիայում վերահսկողությունից դուրս եկած դրոնը մխրճվել է բազմության մեջ
Ճապոնիայի Օհակի քաղաքում ռոբոտատեխնիկայի շոուի 6 այցելու մարմնական վնասվածքներ է ստացել, երբ 4 կիլոգրամանոց դրոնը կառավարումը կորցրել եւ մխրճվել է բազմության մեջ, հայտնում է Daily Mail-ը:
Հոլովակում անօդաչուն օդից կոնֆետներ է նետում այցելուներին, որից հետո կտրուկ իջնում է եւ ընկնում մարդկանց վրա: Հաղորդվում է, որ տուժածները կտրվածքներ եւ սալջարդեր են ստացել:
Ճապոնիայում դրոնի ընկնելու հետեւանքով մարդու վնասման առաջին դեպքը գրանցվել է 2017 թվականի փետրվարին: Այդ ժամանակ 1 կգ կշռող թռչող սարքը, որն օդից լուսանկարում էր շինարարական հրապարակը, բախվել էր շինարարական ամբարձիչին եւ ընկել մարդու վրա, որը վնասվածք էր ստացել դեմքին: