Գլենդելում 2 հայ կանանց պայմանական ազատազրկման են դատապարտել
Գլենդելում մայր եւ դուստր հայուհիները պայմանական ազատազրկման են դատապարտվել եւ պարտավորվել տուգանք վճարել 81-ամյա Մարտիրոս Հարությունյանին վթարի ենթարկելու համար։
Անցյալ տարվա ապրիլի 16-ին Հարությունյանը սահմանված վայրում ճանապարհն անցնելիս էր եղել, երբ նրան հարվածել էր մեքենան, որի վարորդը դեպքի վայրից դիմել էր փախուստի, հայտնում է Glendale News-Press–ը։
Հետաքննությունը պարզել էր, որ մեքենայի ղեկին էր եղել 67-ամյա Գոհար Դավթյանը։ Ավելի ուշ կնոջը եւ նրա 41-ամյա դստերը՝ Ալինա Դավթյանին կալանավորել էին։ Վերջինիս մեղադրում են հանցագործությանը մասնակցելու եւ կեղծ ապահովագրական հայց ներկայացնելու մեջ։
Սեդանը, որի ղեկին նստած էր Դավթյանը, վնասվել էր, սակայն հետաքննության ընթացքում պարզվել է, որ այն վնասված էր եղել մեկ այլ բախման հետեւանքով։ Մայր ու դուստր չեն հերքում մեղադրանքները։
Ավագ Դավթյանին դատապարտել են 3 տարվա փորձնական շրջանի, 720 հասարակական աշխատանքների եւ 300 դոլար տուգանքի։ Նրա դուստրը նույնպես պայմանական ազատազրկման եւ 30 օրվա հանրային աշխատանքների է դատապարտվել ու պարտավորվել 3000 դոլար տուգանք վճարել։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կարևոր է, որ հայության ներկայացուցիչներն իրենց նույնականացնեն ՀՀ-ի հետ