Կոնդ թաղամասն ամբողջ ծավալով գնալու է օտարման՝ նոր քաղաքաշինական ծրագիր իրականացնելու համար․ Ավինյան

Կոնդ թաղամասում գտնվող շենք-շինությունների, հողամասերի օրինականացման վերաբերյալ այս պահին կա 254 դիմում: Այս մասին այսօր՝ փետրվարի 26-ին, Երևանի քաղաքապետարանի գործակարգավարական հերթական խորհրդակցության ժամանակ ասաց ճարտարապետության և քաղաքաշինության վարչության պետ Հայկ Մուրադյանը։

«Կա 154 քաղաքապետի որոշման նախագիծ ու 25 քաղաքապետի որոշում: Նրանք ծանուցվել են վճարումների վերաբերյալ, բայց այս պահին դրությամբ դեռ վճարումներ չունենք»,- մանրամասնեց Մուրադյանը։

Թեմայի վերաբերյալ էլ Երևանի քաղաքապետ Տիգրան Ավինյանը նշեց, որ Կոնդ թաղամասն ամբողջությամբ օտարվելու է. «Հետագայում Կոնդ թաղամասն ամբողջ ծավալով գնալու է օտարման՝ նոր քաղաքաշինական ծրագիր իրականացնելու համար: Այս ողջ նախագծի տրամաբանությունն այն է, որ կոնդեցիներն իրենց իրավունքները կարողանան առավելագույնս պաշտպանել՝ հաշվի առնելով որ տասնամյակներով փաստացի իրենց սեփականության հատվածներ իրենց սեփականությունը չէր հանդիսացել: Հիմա գոնե հասկանանք, թե մեկ քմ-ի համար միջինը ինչ վճարի մասին է խոսքը»,-ասաց նա:

Հայկ Մուրադյանն արձագանքեց, որ ըստ գոտիականության` կադաստրային արժեքը 1 քմ համար կազմում է 214 կամ 139 հազար դրամ. «25 դեպքերի մասով ունենք 100-650 հազար դրամ վճարի ենթակա գումարներ»:

Այս թեմայով Կենցաղային թափոնների վերամշակման գործարանի կառուցման մրցութային փաթեթը հասանելի է դարձե Դեռևս հանգստի ժամանակ չունենք․ Ավինյան Ավտոբուսի պատկերը վախենալու էր, ոնց որ ինքնաթիռի տուրբիններից մեկը վառվեր․ Ավինյանը՝ ծխարձակելով երթևեկող ավտոբուսի մասին Նախորդ գիշեր արձանագրեցինք օդի որակի էական վատթարացում. Ավինյան Երեխայի մարմնի և գլխի շրջանում հայտնաբերվել են մարմնական վնասվածքներ