Ձեզ մոտ ոչինչ չի ստացվում , այժմ Հայաստանն է զոհասեղանին դրված, կամք ունեցեք, հեռացեք. հայ համայնքի անդամը՝ Փաշինյանին
Մյունխենի և հարակից շրջանների հայ համայնքի ներկայացուցիչների հետ հանդիպմանը վարչապետ Նիկոլ Փաշինյանին հարց տվեցին, թե Արցախը կորցնելուց, այդքան ձախողումներից հետո, արդյոք ունի համարձակություն հրաժարական տալու և հեռանալու քաղաքական դաշտից ընդհանրապես։
«Արդեն 6 տարի կառավարում եք, եւ ձեր կառավարման սկզբից արցախյան բանակցությունների ողջ պատասխանատվությունը վերցրեցիք ձեզ վրա, ինչ որ օպետք է այն էլ բանակցում եք, Արցախը Հայաստանն է ու վերջ, արդյունքում ունենք տարածքային եւ մարդկային կորուստներ, պարտված երկրի պարտված վարչապետ : 2020 թվականից եւս մեկ անգամ հնարավորություն ստացաք կառավարելու եւ խոստացաք արցախցիների իրավունքներկ եւ անվտանգության պաշտպանություն, չնայած կառավարության ծրագրում գրված է ինքնորոշման իրավունք, արձանագրենք, որ ձեր այս քաղաքականությունը եւս ձախողվեց, պարտված երկրի վարչապետը հայտարարեց խաղաղության դարաշրջան եւ ունեցանք Հայաստանից տարածքային կորուստներ: Դուք ճանաչեցիք Արցախը Ադրբեջանի մաս եւ ստացաք վերջնական հայաթափում եւ համազգային աղետ: Հիմա ոչ լեգիտիմ իշխանություն, երկրորդ հանրապետության կորստից հետո ոչ լեգիտիմ վարչապետ, ռազմական նոր էսկալացիա, կոռւպցիոն սկանդալ: Պարոն Փաշինյան, այս բոլոր ձախողումները տեղի են ունեցել ձեր կառավարման օրոք, դուք տարբեր պատճառաբանություններ կբերեք, բայց փաստը մնում է փաստ: Նախկինում ես ասում էի, որ ձեզ մոտ ինչ-որ մի բան չի ստացվում, հիմա պնդում եմ՝ Ձեզ մոտ ոչինչ չի ստացվում:
Արդյո՞ք հիմա ունեք այդ համարձակությունը, պատասխանատվություն վերցնել Ձեզ վրա, ինչպես որ նշել էիք Դուք՝ Դուք եք համար մեկ պատասխանատուն, և հեռանաք։ Հեռանալ նկատի չունեմ հրաժարականը, հեռանալ նկատի ունեմ ընդհանրապես քաղաքական դաշտից հեռանալը, քանզի այժմ Հայաստանն է զոհասեղանին դրված: »,-հարցրեց հայ համայնքի ներկայացուցիչը։
Նիկոլ Փաշինյանը նշեց, որ շատ քաղաքական ուժեր կան, որ իրենից պահանջում են, որ հեռանան, սակայն իրենք մանդատ են ստացել ժողովրդից:
«Բայց մենք դա չենք կարող անել պարզ պատճառով, որովհետև մենք ժողովրդից ստացել ենք իշխանություն, մանդատ և եթե մենք ուղղակի հեռանանք, ո՞ւմ ենք թողնելու այդ մանդատը»,-ասաց վարչապետը և նշեց, որ իրենք ստացած մանդատը վերադարձրել են երկու անգամ և կրկին ստացել։
Փաշինյանը նշեց, որ այժմ իրենց խնդիրը կենտրոնանալ պետություն ունենալու վրա և ոչ թե կորսված հայրենիքի անդադար տեսլականի հետևից գնալու։
«Այս ամենը ինչի՞ համար եմ ես ասում և անում, դրա համար, որ դավաճա՞ն եմ, նրա համար, որ օտարերկյա գործակալ եմ, ով երազումա, որ էլ ինչ հող տա որևէ մեկին։ Իհարկե կարող են տենց մտածեն, բայց ես սա անում եմ մի բանի պատճառով, որ հասկանում եմ, որ եթե մենք այն ճանապարհը, որի մի մասը ես եմ վերցրել, եթե այսպես շարունակենք, այ էդ ժամանակ կկորցնենք հայրենիքը»,-ասաց Փաշինյանը։
Հայ համայնքի ներկայացուցիչը նորից դիտարկում արեց, թե Փաշինյանը մանդատ չի ստացել Արցախը ճանաչե;լու Ադրբեջանի կազմում, նրան դրա համար չեն ընտրել. «Եթե դուք գնայիք ընտրությունների եւ ասեիք, որ Արցախը ճանաչելու եք Ադրբեջանի կազմում, քանի մարդ ձեզ կընտրեր»:
Մանրամասները՝ տեսանյութում:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է