Երաշտը երեւան է հանել Իսպանիայում ջրի տակ անցած քաղաքը (Տեսանյութ)
Իսպանիայի Ռիոխայի նահանգում Մանսիլյա դե լա Սիեռա քաղաքը 20-րդ դարի սկզբին ավելի քան 600 բնակիչ ուներ։ 1959 թվականին տարածաշրջանի զարգացումը պահանջում էր ՀԷԿ կառուցել, եւ դրա համար լավագույն վայր դարձավ հենց այդ բնակավայրը, փոխանցում է Nat-geo.-ն։
Բնակիչներին տեղաբաշխեցին այլ քաղաքներում, իսկ դատարկված Մանսիլյա դե լա Սիեռան իր կառույցներով անցավ ջրի տակ։ Սովորաբար աշնանը ջրամբարը չորանում էր, եւ հնարավոր էր լինում տեսնել որոշ շինությունների ավերակները։
Ռիոխան գլոբար տաքացման հետեւանքով հատկապես շատ է տուժում երաշտից։ Գետերը, որոնք սնուցում էին արհեստական ջրամբարը, այլեւս չեն կարողանում այն ջրով լցնել։ 2016-ի անսովոր շոգ ամառվանից հետո Մանսիլյա դե լա Սիեռան առաջին անգամ ամբողջովին հայտնվեց ջրից դուրս եւ այդ տեսքով էլ մնում է մինչ այսօր։