Իտալուհին միլիոնավոր եվրոները կտակել է թափառող շներին
Իտալիայում հյուրանոցների տիրուհի Ֆրանկա Ֆրանցին իր կուտակած միլիոնավոր եվրոները կտակել է Սան Ջուլիանո քաղաքում գործող թափառական շների ապաստարանին:
Ինչպես նշում է italia-ru.com կայքը, «երկնքից ընկած» միլիոններն իսկական փրկություն են դարձել ապաստարանի համար, որը հին ու անմխիթար լինելու պատճառով պետք է քանդվեր: Այժմ կտակը հնարավորություն կտա ոչ միայն խուսափել ապաստարանի փակումից, այլև վերակառուցել այն:
Աղբյուրը մանրամասնում է, որ Ֆրանկա Ֆրանցին մահացել է 81 տարեկանում՝ 2016թ., սակայն կտակի մասին լուրն ապաստարանի ղեկավարությունը միայն օրերս է իմացել:
Հայտնի է, որ բացի այդ, գործարար կինը կտակի շրջանակում գումար է հատկացրել նաև թափառող կենդանիների համար նոր ապաստարանի կառուցմանը: