Մոսկվայում ուսանողը դանակով սպանել է դասախոսին, սելֆի արել եւ ինքնասպան եղել
Մոսկվայում ուսումնական հաստատություններից մեկում սպանվել են դասախոսն ու ուսանողը: Այս մասին «МК»-ին հայտնել է իրավապահ մարմիններում աղբյուրը:
Ողբերգությունը տեղի է ոնեցել Գվարդեյսկի փողոցում գտնվող կրթական հաստատություններից մեկում: Այն ստեղծվել է 2 մասնագիտական վարժարանների եւ պրոֆեսիոնալ մասնագիտական ուսումնարանի միաձուլումից հետո: 3-րդ հարկի դասասենյակներից մեկում ընդմիջման ժամանակ ուսանող Անդրեյ Ե.-ն դանակով սպանել է 44-ամյա դասախոսին՝ Սերգեյ Դանիլովին, որից հետո իրեն է հարվածել՝ տեղի ունեցողը նկարահանելով խցիկով եւ տեղադրելով համացանցում:
Ստացած վնասվածքներից երկուսն էլ տեղում մահացել են: Սպանված դասախոսը 2 երեխա ուներ:
Դիակները հայտնաբերել է մեկ այլ դասախոս, երբ մտել է դասասենյակ: