Կառլես Պուչդեմոնը Բարսելոն է վերադառնում․ լրատվամիջոց
Կատալոնիայի նախկին ղեկավար Կառլես Պուչդեմոնը, որին Մադրիդը պաշտոնանկ էր արել, Բրյուսելից Բարսելոն է վերադառնում, հայտնում է La Vanguardia-ն։
Թերթը վկայակոչում է չվերթի ուղեւորներին, որոնց հետ պետք է մեկնի Պուչդեմոնը։ Օդանավում են նաեւ կառավարության այլ անդամներ։
Ավելի վաղ Իսպանիայի ազգային դատական պալատը քննության էր վերցրել Կատալոնիայի կառավարության նախկին անդամների նկատմամբ դատական հայցը։ Դատավորը ցուցմունք տալու էր կանչել Պուչդեմոնին եւ նրա կառավարության մյուս անդամներին՝ ընդհանուր առմամբ 14 մարդու։
Բացի այդ, դատավորը 6․2 մլն եվրոյի չափով գրավ է սահմանել։ Եթե գրավը չվճարվի, քաղաքական գործչի հաշիվները կսառեցվեն։