Քուվեյթի կառավարությունը հրաժարական է տվել
Քուվեյթի կառավարությունը՝ վարչապետ Ջաբեր ալ Մուբարաք ալ Համադ աս Սաբահի ղեկավարությամբ, երկրի էմիր Սաբահ ալ Ահմեդ ալ Ջաբեր աս Սաբահին է ներկայացրել իր հրաժարականը, հայտնում է Sky News Arabia-ն:
Հրաժարականի պատճառների մասին չի հաղորդվում: Վարչապետը, որը պատկանում է Քուվեյթում կառավարող ընտանիքին, երկրի վարչապետն է 2011 թվականից:
Նշվում է, որ առաջիկա օրերին խորհրդարանը պետք է քվեարկության դներ կառավարության 2 անդամներին՝ նախարարների խորհրդի գործերով պետական նախարարին եւ տեղեկատվության նախարարի ժամանակավոր պաշտոնակատարին անվստահություն հայտնելու հարցը: