Զանգվածային ծեծկռտուք Բրյուսելում
Բելգիայի մայրաքաղաք Բրյուսելում շաբաթ երեկոյան զանգվածային ծեծկռտուք է տեղի ունեցել, որին 60-100 մարդ է մասնակցել։ Այս մասին հայտնում է «Ինտերֆաքս»-ը՝ վկայակոչելով բելգիական լրատվամիջոցները։
Իրավապահ մարմինները հայտնում են, որ բախումը ենթադրաբար տեղի է ունեցել տեղի երիտասարդության եւ սիրիացի փախստականների միջեւ։ Երբ ոստիկանները ժամանել էին դեպքի վայր, կռվի մասնակիցներն արդեն փախուստի էին դիմել։ 2 մարդ թեթեւ վնասվածքներ է ստացել, 4-ը ձերբակալված են։