Գերմանիայի պետական բյուջեի պրոֆիցիտը 2017 թվականին կարող է կազմել 14 մլրդ եվրո
Գերմանիայի պետական բյուջեի պրոֆիցիտը 2017 թվականին, Ֆինանսների նախարարության գնահատմամբ, կարող է կազմել 14 մլրդ եվրո։ Այս մասին հայտնում է Der Spiegel-ը։
Պետական գանձարանում ավելցուկն առաջին հերթին մեծանում է հարկերի հաշվին, որոնք պայմանավորված են տնտեսության՝ սպասվածից ավելի մեծ աճով։ Ի սկզբանե 2017-ի համար պլանավորվում էր ունենալ առանց դեֆիցտի հավասարակշռված բյուջե։
Պրոֆիցիտը կարող է էապես ընդլայնել Գերմանիայի կառավարության գործունեության ոլորտները։ Չպլանավորված եկամուտների շնորհիվ՝ Ֆինանսների նախարարությունը կարող է փոխհատուցել ինչպես էներգետիկ կոնցեռնների հարկային վճարումները միջուկային վառելիքի համար, այնպես էլ փախստականներին տեղակայելու եւ պահելու համար կատարված ծախսերը։