Ռուսաստանն ընդլայնել է պատժամիջոցային մթերքների ցանկը
ՌԴ վարչապետ Դմիտրի Մեդվեդեւը կարգադրություն է ստորագրել ԱՄՆ–ից, ԵՄ–ից, Կանադայից, Ուկրաինայից, Ավստրալիայից, Նորվեգիայից, Ալբանիայից, Իսլանդիայից, Չեռնոգորիայից եւ Լիխտենշտեյնից ներկրվող արգելված ապրանքների ցուցակը ընդլայնելու մասին, հայտնում է RNS–ը։
Ցուցակում են հայտնվել կենդանի խոզերը, բացառությամբ մաքուր տոհմական կենդանիների, խոշոր եղջերավոր անասունների թարմ, սառեցված կամ պաղեցրած սննդային ենթամթերքները, խոզերը, գառները, այծերը, ձիերը, էշերը, ջորիները, թարմ, սառեցված կամ պաղեցրած աղ դրած, չորացրած կամ ապխտած խոզի ճարպը, ընտանի թռչունների ճարպը, խոշոր եղջերավոր անասունների ճարպը, կենդական յուղը եւ այլն։
«Սահմանափակումները չեն անդրադառնա Ռուսաստանի ներքին կարիքների վրա»,– հայտնել են կառավարությունից։