Կիևում տեղի ունեցած պայթյունից պատգամավոր է վիրավորվել (Տեսանյութ)
Համացանցում հայտնվել են տեսագրություններ, որոնք նկարահանվել են Կիևի կենտրոնում գտնվող «Էսպրեսո» հեռուստաալիքի շենքի մոտակայքում տեղի ունեցած պայթյունի առաջին րոպեներին, ինչի հետևանքով վիրավորվել է հինգ մարդ, այդ թվում՝ ժողովրդական պատգամավոր Իգոր Մոսիյչուկը, գրում է «ՌԻԱ Նովոստի»-ն:
Վիրավորներից մեկը քաղաքական գործչի թիկնապահն է, նա ավելի ուշ մահացել է հիվանդանոցում: Ուկրաինայի ներքին գործերի նախարարությունը միջադեպը որակել է որպես ահաբեկչություն, հետաքննությամբ զբաղվում է Ուկրաինայի անվտանգության ծառայությունը:
Ուկրաինայի ՆԳՆ ղեկավարի խորհրդական Անտոն Գերաշչենկոն հայտարարել է, որ պայթյունի հետևում կարող են կանգնած լինել ռուսական հատուկ ծառայությունները: Նրա խոսքով՝ այդ գործողությունների նպատակը երկրում անցկացվող բողոքի ակցիայի ֆոնին իրավիճակի ապակայունացումն է: