Իրաքի քրդերը պատրաստ են «սառեցնել» անկախության հռչակումը՝ Բաղդադի հետ հրադադարի և երկխոսության համար

Իրաքի քրդական ինքնավարությունը հայտարարում է, թե պատրաստ է «սառեցնել» անկախության հռչակումը՝ Բաղդադի հետ երկխոսություն սկսելու և հրադադար հաստատելու համար:

«Ռազմական գործողությունները կողմերից որևէ մեկին հաղթանակ չեն բերի, փոխարենը երկիրը կներքաշեն քաոսի մեջ», - ասված է քրդական կառավարության տարածած հայտարարության մեջ:

Անցած ամիս ինքնավարությունը ձայների գերակշռող մեծամասնությամբ քվեարկել էր Իրաքից անջատվելու օգտին, ինչից հետո Բաղդադը ռազմական գործողություններ է սկսել՝ քրդերից գրավելով նավթով հարուստ Քիրքուք քաղաքն ու այլ շրջաններ:

Իրաքի վարչապետը, որ ավելի վաղ պահանջել էր չեղյալ հայտարարել քրդական հանրաքվեի արդյունքները, հրադադարի առաջարկին դեռ չի արձագանքել: