Թեհրանը կրկին Բաքվին կոչ է արել հասկանալ Իսրայելի իսկական մտադրությունները
Իրանի արտաքին գործերի նախարարության մամուլի քարտուղար Նասեր Քանաանին Ադրբեջանին կոչ է արել հասկանալ իսրայելական վարչակարգի իսկական մտադրությունները, տեղեկացրել է Mehr-ը։
Արձագանքելով Իսրայելի արտաքին գործերի նախարարի մտքերին ադրբեջանցի գործընկերոջ հետ Իրանի դեմ միասնական ճակատ ստեղծելու համաձայնագրի մասին՝ Քանաանին գրառում է կատարել Թվիթերում։
«Մենք խնդրել ենք Ադրբեջանի կառավարությանը բացատրել սիոնիստական վարչակարգի արտաքին գործերի նախարարի հայտարարությունները Ադրբեջանի հետ Իրանի դեմ միասնական ճակատ ստեղծելու համաձայնագրի վերաբերյալ։ Ադրբեջանի արտաքին գործերի նախարարության մամուլի քարտուղարը փորձել է չպատասխանել եւ դրա փոխարեն հանդես է եկել Իրանի հասցեին նոր մեղադրանքներով»,- նշել է նա։
«Մի՞թե լռել շարունակելը այն հայտարարությունների անուղղակի հավանությունը չէ, որոնք արել է Բաքվի ռազմավարական գործընկեր (Իսրայելը)»,- ավելացրել է Իրանի ԱԳՆ-ն։
«Մոտենալով մուսուլմանական երկրներին՝ հանցավոր սիոնիստական վարչակարգը փորձում է վեճեր եւ երկպառակություն ստեղծել իսլամական ումմայում՝ իր ծավալապաշտական նպատակներին հասնելու համար։ Մենք խորհուրդ ենք տալիս մուսուլման եղբայրներին եւ քույրերին Ադրբեջանում՝ տեղեկացված լինել սիոնիստ թշնամու իսկական մտադրությունների մասին»,- գրել է իրանցի դիվանագետն իր թվիթերյան միկրոբլոգում։
Մինչ այդ Իսրայելի ԱԳՆ-ի ղեկավար Էլի Քոհենը Թել Ավիվում Ադրբեջանի Հանրապետության դեսպանության բացման առիթով հայտարարել էր Բաքվի հետ հակաիրանական համագործակցության խորացման մասին։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է