Ռուսաստանում ձերբակալել են ՀՀ դեսպանատան կեղծ աշխատակցի
ՌԴ Ուլյանովսկի շրջանում ձերբակալել են մի կնոջ, որը ներկայացրել էր որպես ՀՀ դեսպանատան աշխատակից եւ ցանկացողներին առաջարկում էր ռուսական անձնագրեր պատրաստել։
Այս տարվա մարտին մեղադրյալը իր ծանոթի միջոցով դուրս էր եկել մի աղջկա հետքի վրա, որն ուզում էր իր կողակցի համար ՌԴ քաղաքացու անձնագիր ձեւակերպել։ Կինը զանգել էր տուժածին եւ ներկայացել որպես ՀՀ դեսպանատան աշխատակցուհի՝ ասելով, որ իր պետը 2 շաբաթվա ընթացքում անձնագիր կձեւակերպի, սակայն որոշակի պարգեւի դիմաց։ Դրանից հետո նա տուժածից գումար էր կորզել իբր թե թղթերը ձեւակերպելիս առաջացած խնդիրները լուծելու համար։ Ընդհանուր առմամբ աղջիկը «դեսպանատան աշխատակցին» 79 500 ռուբլի էր վճարել, սակայն խոստացած անձնագիրն այդպես էլ չէր ստացել։
Բանակցություններն ընթացել էին հեռախոսով, որոնք գաղտնալսվել էին ԱԴԾ աշխատակիցների կողմից։
Մեղադրյալի մասին հայտնի է այն, որ նա 51 տարեկան է, ոչ մի տեղ չի աշխատում։ Բարիշայում նրան գիտեն որպես մարդու, որը զբաղվում է կեղծ միգրացիոն փաստաթղթերի ձեւակերպմամբ։ 2014–ին կնոջն արդեն քրեական պատասխանատվության էին ենթարկել ապօրինի միգրացիա կազմակերպելու համար եւ պայմանական ազատազրկման դատապարտել։ Այն ժամանակ նա կեղծել էր Մոսկվայի կենտրոնում գնած անձնքագիրը։
Կնոջը տուժածի հետքի վրա դուրս հանած հանցակիցը փախուստի է դիմել։ Նրան փնտրում են։
Պաշտոնանկություն՝ Ռուբեն Ռուբինյանի կարգադրությամբ
Վոլեյբոլի Եվրոպայի Մ20 տղաների առաջնության առաջին փուլը կանցկացվի Երևանում
Գրունիսը մահացել է՝ «կատարելով իր պարտքը»
Ֆուտզալ․ Մոլդովա-Հայաստան հանդիպումն ավարտվեց ոչ-ոքի
ՀՀ տարածքում ավտոճանապարհներն անցանելի են
Ֆիդանն և Բայրամովը քննարկել են Հայաստան-Ադրբեջան կարգավորման ուղղությամբ վերջին մեկ տարում արձանագրվ...
Հայաստանի Օքսֆորդի շրջանավարտների բիզնես ակումբ
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Վեներա մոլորակը լավ տեսանելի կլինի առավոտյան երկնքում
ՀՀ ԱԺ իններորդ գումարման երկրորդ նստաշրջանի հերթական նիստ 16.09.2026