Վոլոդին․ «Եվրախորհրդարանի և ԵԽԽՎ ներգրավումը ղարաբաղյան հակամարտության լուծմանը նոր խնդիրներ կստեղծի»

ՌԴ Պետդումայի նախագահ Վյաչեսլավ Վոլոդինը Ադրբեջանի Միլի մեջլիսի նախագահ Սագիֆա Գաֆարովայի հետ հանդիպմանը նշել է՝ անհրաժեշտ է զերծ մնալ եվրոպական կառույցներին, մասնավորապես՝ Եվրախորհրդարանին ու ԵԽԽՎ-ին Լեռնային Ղարաբաղում իրավիճակի հանգուցալուծմանն ուղղված գործընթացներին ներգրավելու փորձերից։

«Պետք է ելնել նրանից, որ Ռուսաստանի, Հայաստանի և Ադրբեջանի ղեկավարների մակարդակով ընդունված որոշում կա։ Մենք սրանով ենք առաջնորդվելու և մեր կողմից անելու ենք ամեն ինչ, որ այդ պայմանավորվածություններն իրագործվեն։ Իսկ նրանք, ովքեր հայտարարություններ են անում եվրոպական ինստիտուտների ներգրավման օգտին, կարող են պարզապես կորցնել երկիրը»,- հայտարարել է Վոլոդինը։

ՌԴ Պետդումայի նախագահի խոսքով՝ ԵԽԽՎ-ի և Եվրախորհրդարանի ներգրավումը «Լեռնային Ղարաբաղի հարցի լուծմանը կսրի իրավիճակը, կստեղծի նորանոր խնդիրներ, և եթե դա արվի (ներգրավումը-խմբ․), ապա ներգրավողները պետք է կրեն բոլոր հետևանքների պատասխանատվությունը»։