Բուժար Օսմանին կայցելի ՀՀ եւ Ադրբեջան. ԵԱՀԿ գործող նախագահը կողմերին իրավիճակի լիցքաթափման կոչ է արել
ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բուժար Օսմանին առանձին հեռախոսազրույցներ է վարել Հայաստանի եւ Ադրբեջանի արտաքին գործերի նախարարներ Արարատ Միրզոյանի եւ Ջեյհուն Բայրամովի հետ, տեղեկացրել է ԵԱՀԿ կայքը։
Հեռախոսազրույցների ժամանակ քննարկվել է իրավիճակը Հարավային Կովկասում, հատուկ ուշադրություն է հատկացվել Լաչինի միջանցքին։
Օսմանին ընդգծել է, որ ուշադիր հետեւում է Լաչինի միջանցքի շուրջ իրավիճակին։ Նա մտահոգություն է հայտնել քաղաքացիական բնակչության առօրյա կյանքի վրա իրավիճակի ազդեցության առիթով։ ԵԱՀԿ գործող նախագահը կողմերին լարվածությունը թուլացնելու եւ կառուցողական ու արդյունավետ երկխոսություն սկսելու կոչ է արել։
Օսմանիի խոսքով՝ Հայաստանի եւ Ադրբեջանի միջեւ վստահության ամրապնդմանը եւ հարաբերությունների կարգավորմանն ուղղված միջոցները՝ ԵԱՀԿ գործիքակազմի շրջանակում, կարեւոր են տեղերում մարդկանց առնչվող ընթացիկ մարտահրավերները հաղթահարելու համար։
Այս համատեքստում ԵԱՀԿ գործող նախագահ Օսմանին հաստատել է իր անձնական մասնակցության պատրաստակամությունը, որպեսզի օգնի լարվածությունը թուլացնելուն եւ անձնական ավանդ ունենա կայուն խաղաղության հասնելու գործում։ Նա նաեւ առաջիկայում կայցելի Հայաստան եւ Ադրբեջան։
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...