Մենք կդիմանանք. այնպես չէ, որ սովից մահանալու ենք, բայց պայմանները շատ ծանր են. Ռուբեն Վարդանյան
Արցախում մարդիկ հասկանում են՝ ինչի համար են պայքարում, ինչի համար են դիմանում այս դժվարություններին, որի համար իրենց շնորհակալ եմ: Այս մասին NEWS.am-ի հետ զրույցում նշեց Արցախի պետնախարար Ռուբեն Վարդանյանը:
«Մենք արդեն օգտագործում ենք պահուստային ֆոնդը, եթե նայեք խանութների լուսանկարները, կտեսնեք, որ համարյա ապրանք չկա: Մարդիկ ինքնուրույն, առանց մեր որոշումների, ապրանքները վաճառում են մեկ կիլոգրամի չափով, ոչ ավելի: Ողջունելի է, որ մարդկանց 95 տոկոսի մոտ հասկացողությունը կա, որ այս իրավիճակում պետք է համեստ իրենց պահեն: Մենք բոլորս մի նավի մեջ ենք»,-ասաց նա:
Հարցին, թե դեռ որքան պահուստները կբավականացնեն, Վարդանյանը պատասխանեց. «Մենք կդիմանանք: Դեղերի հարցն ինչ-որ ձեւով լուծում ենք, այնպես չէ, որ սովից մահանալու ենք, բայց պայմանները շատ ծանր են: Այս վիճակը կարող է երկար շարունակվել: Մենք դրան պատրաստվում ենք»:
Անդրադառնալով նրան, որ միջազգային հանրությունը բավարար ուշադրություն չի դարձնում Արցախում ստեղծված իրավիճակին, Վարդանյանն ասաց. «Եթե մենք ուժեղ լինենք, մեր մեջ կամքը ոչ ոք չկարողանա ջարդել, դա հնարավորություն կտա շատ երկրներում փոխել իրենց մոտեցումը Արցախի վերաբերյալ: Դա միջազգային հարցերից մեկն է դառնալու: Այդ հարցը միջազգային հարթակներում հնչելու է ավելի բարձրաձայն, եթե մենք մեր ուժը, միասնությունը կարողանանք ցույց տալ»:
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...