ՌԴ-ն աջացում է ՀՀ-ի և Ադրբեջանի միջև խաղաղության պայմանագրի ստորագրմանը․ Լավրով

ՌԴ ԱԳ նախարար Սերգեյ Լավրովն անդրադարձել է հարցին, թե արդյո՞ք Ռուսաստանը ակնկալում է, որ Հայաստանը և Ադրբեջանն առաջիկա ամիսներին կստորագրեն խաղաղության պայմանագիրը։

«Ռուսաստանը, որը ռազմավարական գործընկերության և դաշնակցային հարաբերություններ ունի ինչպես Հայաստանի, այնպես էլ Ադրբեջանի հետ, հնարավոր աջակցություն է ցուցաբերում այս գործընթացին այն ձևով և ծավալով, որով շահագրգռված են մեր հայ և ադրբեջանցի ընկերները»,- ասել է Լավրովը ՌԻԱ Նովոստի-ին տված հարցազրույցում։

Նա խոսել է նաև ԵԱՀԿ-ում առկա ճգնաժամի մասին․

«Ես անկեղծ կլինեմ. ԵԱՀԿ-ում գործերը լավ չեն ընթանում: Կազմակերպությունը ստեղծվել է որպես հավասար երկխոսության և համագործակցության հարթակ, սակայն վերջին մի քանի տարիների ընթացքում այն ​​գտնվում է ամենախորը ճգնաժամի մեջ»։