Սեյրան Օհանյանը կարևորել է ԵԱՀԿ Մինսկի խմբի գործունեության վերականգնումը
«Հայաստանի և Ֆրանսիայի ժողովուրդների հարաբերությունները հիմնված են դարավոր բարեկամության և պատմամշակութային սերտ կապերի վրա: Առանձնահատուկ է Ֆրանսիայի դերը Հայաստանի համար. այդ երկիրը դժվարին ժամանակահատվածում մշտապես եղել է հայ ժողովրդի կողքին»,- ասել է «Հայաստան» խմբակցության ղեկավար Սեյրան Օհանյանը նոյեմբերի 25-ին Ֆրանսիայի ԱԳՆ Հարավային Կովկասի հարցերի պատասխանատու Նիկոլա Կարգեսի հետ հանդիպման ընթացքում:
ԱԺ կայքից տեղեկանում ենք, որ հանդիպմանը ներկա են եղել «Հայաստան» խմբակցության անդամ Գեղամ Նազարյանն ու Հայաստանում Ֆրանսիայի արտակարգ և լիազոր դեսպան Անն Լույոն:
Կողմերը քննարկել են տարածաշրջանում ռազմաքաղաքական իրավիճակը: Հայ խորհրդարանականները կարևորել են Արցախի ժողովրդի ինքնորոշման իրավունքի հաստատումը: Այս համատեքստում Սեյրան Օհանյանը կարևորել է ԵԱՀԿ Մինսկի խմբի գործունեության վերականգնումը:
Մտքեր են փոխանակվել Հայաստանում միջազգային դիտորդական առաքելությունների իրականացման գործընթացի վերաբերյալ:
Հայաստանում Ֆրանսիայի արտակարգ և լիազոր դեսպանը ողջունել է խորհրդարանի նիստերին ընդդիմության մասնակցությունը: Սեյրան Օհանյանը խոսել է խմբակցության առաջնահերթություններից, ներկայացրել խորհրդարանական աշխատանքների իրենց օրակարգը: Գեղամ Նազարյանի խոսքով խմբակցությունը բանակի վերականգնումը համարում է առաջնահերթ:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Հայաստանի ըմբշամարտի հավաքականը նվաճեց առաջին մեդալը
Նիդերլանդները հրաժարվել է մասնակցել «Եվրատեսիլ 2027»-ին
Հոկտեմբերի 27-ի դեպքերից անցել է 27 տարի
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին
Սպասվում է առանց տեղումների եղանակ․ օդի ջերմաստիճանն էապես չի փոխվի
Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել
Արդար չէ մեզ մեղադրել քաղաքական բռնաճնշման համար