Ի՞նչ է նախատեսում անել Ադրբեջանը մինչև 2027 թիվը Արցախի օկուպացված տարածքներում

Ադրբեջանական հարցերով փորձագետ Գառնիկ Դանիելյանն իր ֆեյսբուքյան էջում գրել է.

«Ադրբեջանի պետական՝ այսպես կոչված «Մեծ վերադարձի I պետական ծրագիրը», նախատեսում է մինչև 2027թ-ը Արցախի օկուպացված տարածքներում կառուցել ապօրինի 34,500 հազար բնակարան և անհատական տներ, կառուցվի և վերականգնվի 197 նախակրթարան և կրթական ձեռնարկություններ, կսկսի գործել ԲՈւՀ-ի 1 մասնաճյուղ(չի հստակեցվում որ ԲՈւՀ-ի), պետք է բացվեն DOST կենտրոնների 7 մասնաճյուղ, պետք է գործարկվի հիփոթեքային համակարգը, վերաբնակեցվի՝ 34,500 ընտանիք, Բերձորի միջազգային օդանավակայանը շահագործման հանձնել, ինչպես նաև պետք է ձևավորվի առաջնային զբոսաշրջային ենթակառուցվածքը և այլն:

Զարմանալի չէ, որ Ադրբեջանը ակտիվ և հեռանկարային պլաններում ծրագրում է Արցախի օկուպացրած տարածքներում ապահովել.

Օկուպացրած տարածքներում ապահովել միջազգային ներկայություն՝ ինտեգրացիա,
Հնարավորինս սեղմ ժամկետներում ապահովել բնակեցում՝ ներքաղաքական դիվիդետներ շահելու և օգտագործելու համար,
Ունենալ այսպես կոչված կենդանի վահան՝ հնարավոր ռևանշի դեպքում խնդիրը բարդացնելու համար»: