Սեպտեմբերի 27. Պատերազմը այս չպետք է լիներ, այն բերեցին

Սեպտեմբերի 27։ Պատերազմ, որը քանդեց մեր սիրուն ու արժանապատիվ հայրենիքն ու հազարավոր տներ։ Քանդեց բառիս բուն եւ փոխաբերական իմաստով։

Հազարավոր տղերք, այդ թվում կյանքով ու ծրագրերով լեցուն, աննման ժպիտով ու միաժամանակ խիստ ու պարտաճանաչ Աբգարս զոհվեցին։

Երկու տարի։ 730 օր։ Եւ մինչեւ հիմա դեռ ոչ մի հետեւություն։ Մինչեւ հիմա մեր կողքին ապրում են մարդիկ, որոնք ասում են` խեղճ նիԳոլն ինչ աներ։ Մեր կողքին ապրում են մարդիկ, որոնք ասում են` զինվորը զոհվելու համար է, եւ որ մենք, զինվորների ծնողները հարիֆ ենք, որ մեր տղերքը բանակ են գնացել։

Մինչեւ հիմա մեր երկիր պատերազմ եւ ավեր բերած, մեր տները քանդած մարդը դեռ վարչապետ է եւ դեռ բանակցում է։

Մինչեւ հիմա մեր կողքին ապրում են մարդիկ, որոնք ասում են` ով էլ բանակցի, մի քիչ էս կողմ, էն կողմ նույն թուղթն է ստորագրելու, կամ բա որ նիԳոլը գնաց ո՞վ է ղեկավարելու։
Մինչեւ հիմա երկիրն ու ազգը բանականությունը չեն վերականգնել։

Մինչեւ հիմա Աստծուց դեռ հեռու ենք ու աղոթելու, մեղքերի համար ներողություն խնդրելու փոխարեն Աստծու հետ կռիվ ենք տալիս, թե բա ո՞ւր էիր Աստված, երբ...
Մինչեւ հիմա չհասկացանք, որ ամեն ինչ վատ ու շատ վատ է լինելու, քանի դեռ երկիրը առաջնորդում է մի մարդ, որը հայտարարելով, թե ոնց ուզում բանակցում է, բանակցում եմ իմ կետից, Արցախը Հայաստան է եւ վերջ, մեր տուն արյուն ու պատերազմ բերեց։
Մինչեւ հիմա չհասկացանք, որ ոչ Ռուսաստանը, ոչ Ամերիկան ու Ֆրանսիան չեն կարող վերականգնել մեր արժանապատվությունը։

Մինչեւ հիմա չհասկացանք, որ արժանապատվությունը չի վերականգնվի, քանի դեռ չենք գիտակցել, որ մեզ դեպի պատերազմ ու պարտության տարած մարդը չի կարող շարունակել ներկայացնել երկիրը ու լինել գլխավոր բանակցողը։

Մինչեւ հիմա չհասկացաք, որ բոլոր նրանք, ովքեր մեր երկիր պարտություն ու արյուն են բերել պատժվելու են։ Ընդ որում, թե այստեղ երկրի վրա, թե Երկնքում։ Տղերքը`Աբգարը, Վարդանը, Սուրենը, Ազատը, Գեւորգը, Հայկազը, Գոռը, Էրիկը, Արամը, Վրեժը, Զորիկը, Շանթը, Հենրին, Հովասը, Մխիթարը, Վահեն, Դավիթը, Արմանը եւ մյուս հազարավոր հերոսներն են անելու այդ դատը Տիրոջ ներկայությամբ։

Մինչեւ հիմա այդպես էլ չհասկացաք, որ երկրի վրա ամեն ինչ անցողիկ է, իսկ Երկինքը` հավերժ։

Մինչեւ հիմա չհասկացաք, որ թվացյալ բարեկեցությունը, հարստությունը, պաշտոնը չեն կարող պատճառ լինել, որ կանգնեք երկիրը կործանման տարած մարդու կամ մարդկանց կողքին։

Սեպտեմբերի 27։ Պատերազմը այս չպետք էլիներ, այն բերեցին։ Ընդ որում բերեցին զոռով։ Այն չպետք է լիներ։ Մայրեր, հայրեր, քույրեր, եղբայրներ, այս պատերազմը չպետք է լիներ, այն անխուսափելի չէր։

Աստված օգնական մեր միամիտ ու բազմաչարչար ու Աստծուց հեռացած ժողովրդին։