Ավտոմեքենայի գեղեցիկ համարն աճուրդում ավելի քան 700 հազար դոլարով է վաճառվել
Դուբայի Ճանապարհների եւ տրանսպորտի վարչությունը (RTA) հատուկ ավտոմոբիլային համարների հերթական աճուրդում 80 համար է վաճառել 25 մլն դիրհամ կամ 6.8 մլն դոլարի չափով, հաղորդում է Khaleej Times-ը:
Ամենաթանկը R-111 համարն է եղել՝ 2,65 մլն դիրհամ արժեքով (721հազար դոլար): F-999 համարը վաճառվել է 1,06 մլն դիրհամով (288,6հազար դոլար), իսկ N-1000-ը՝ 800 հազար դիրհամով(217,8հազար դոլար):
«96-րդ բաց աճուրդի 24,8 մլն դիրհամի եկամուտը ցույց է տալիս այս կոմերցիոն ուղղվածության պահանջարկը»,-ասել է RTA-ի գործադիր տնօրեն Ահմեդ Բահրոզյանը: