«Փարվանյան Էդգարի հորեղբոր տղան է կազմակերպել. իհարկե Փարվանյան Էդգարը կհերքի». Ապարանում սպանվածի հարազատ

Արագածոտնի մարզպետի տեղակալ Էդգար Փարվանյանի հորեղբոր տղայի թույլտվությամբ է զինված խումբը մտել Ապարան: Այս մասին այսօր՝ հունիսի 25-ին, Ապարանում, լրագրողների հետ զրույցում ասաց մոտ մեկ շաբաթ առաջ Ապարանում տեղի ունեցած կրակոցների հետեւանքով սպանվածներից մեկի հարազատը:

«Այս արյունահեղությունը կատարողները չպետք է մտնեն Ապարան, որ ապարանցին հանգիստ ապրի: Իսկ որ խոսակցություններ է գնում, թե մի հոգի է եղել, ապա դա սուտ է. մի հոգին չէր կարող նման բան անել: Մեր ոստիկանությունն էլ չգիտեմ, թե ոնցա աշխատում, որ գալիս են զինված էստեղ, կրակում են յոթ հոգու վրա, որից երկուսը մեռնում են, մեկը շատ վատ կյանքի համար պայքար է տալիս, իսկ էն մնացածն էլ վիրավոր կամ հիվանդանոցում են պառկած, կամ իրենց տներում: Փարվանյան Էդգարն ու դեպուտատի ախպոր տղեն են կազմակերպել, կազմակերպիչն էլ է մասնակից, հորեղբոր տղաները Փարվանյան Էդգարի, Ղարիբյան Կառլեն: Իհարկե Փարվանյան Էդգարը կհերքի, ոչ մեկ չի ասի՝ ես տեղյակ եմ ամեն ինչից, տեղյակ եմ, որ զինված խումբ է տնում Ապարան ու մարդ է մորթում»,- ասաց նա:

Հարցին՝ ի՞նչ կապ ունի զինված խումբը Էդգար Փարվանյանի հետ, նա պատմեց, որ Էդգար Փարվանյանի հորեղբոր տղայի՝ Ռոման Փարվանյանի, թույլտվությամբ է խումբը մտել Ապարան:

«Մենք գիտենք, որ մեր պատգամավորի եղբայրը՝ Գռզոն, անձամբ ներկա է եղել այնտեղ: Քաղաքական որեւէ ենթատեքստ չեմ տեսնում, ընդհամենը մի հասարակ բանից, որը շատ հանգիստ կարող էին խոսքով լուծել: Երկու օրվա պատմություն է եղել, մինչեւ դեպքը տեղի ունենալը: Իմ եղբորորդին երբեք քաղաքական կեցվածքով հանդես չի եկել: Անգամ խոսակցություններ կան, որ խնդիրը իրենց հետ էլ չի եղել, ուղղակի տեսել են ապարանցի տղերք են հավաքված մոտեցել են: Ու էդ մարդիկ սառնասրտորեն, ձեռքերը չդողալով, ոչ ոքի չեն նայել: Պատճառը քաղաքական չէ, բայց կողմերից մեկը իշխանության ներկայացուցիչ է, ու ստացվում է, որ այս ամենը կատարվել է քաղաքական հողի վրա»,- ասաց սպանվածի հարազատը։

Այս թեմայով Մահացել է Ապարանում կրակոցներից վիրավորում ստացած 27-ամյա երիտասարդը Նոր մանրամասներ Ապարանի դեպքերից․ «Էս մարդիկ Ապարանում պիտի չապրեն» «Գռզոն անձամբ ներկա է եղել Ապարանի դեպքերին» Իրավապահ համակարգում Ապարանի դեպքերի մեղավորներին են փնտրում Ավելի լավ չէ՞ր միանգամից «Նիկոլ» անունը հնչեցնելը քրեականացնեիք․ Ռոբերտ Հայրապետյան