Իսպանիայից անջատմանն աջակցել է քվեարկողների 90 տոկոսը. Նախնական տվյալներ
Իսպանիայից Կատալոնիայի անջատմանը կողմ է արտահայտվել կիրակի անցկացված հանրաքվեին քվեարկողների 90 տոկոսը: Այս մասին հայտարարել է Կատալոնիայի ժեներալիտետի պաշտոնական ներկայացուցիչ Ժորդի Տուրուլը, փոխանցում է «ՌԻԱ Նովոստի»-ն:
«Քվեարկությանը ընդամենը 2,3 մլն մարդ է մասնակցել»,- ասել է Տուրուլը: Կատալոնիայի կառավարության տվյալներով՝ հանրաքվեին կարող էր մասնակցել 5,3 մլն մարդ:
«Քվեարկողների 90 տոկոսը Կատալոնիայի անկախությանն «այո» է ասել»,- հավելել է նա՝ նշելով, որ սա նախնական արդյունքն է, քանի որ դեռեւս հաշվարկված չէ մոտ 50 հազար ձայն:
Անկախությանը դեմ է քվեարկել տեղամասեր եկած ընտրողների 7,8 տոկոսը, մասնակիցների 2 տոկոսը քվեատուփ է գցել դատարկ քվեաթերթիկ, 0,89 քվեաթերթիկ անվավեր է ճանաչվել: