Նիկոլը «նվեր» է թուրքերի ու ադրբեջանցիների համար․ Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է․

«Նիկոլիզմի պարտությունը սկսված է, իսկ Հայի հաղթանակն՝ անխուսափելի։

Քանի դեռ Նիկոլ Փաշինյանը և նրա ռեժիմը իշխանության են, հայանպաստ որևէ լուրջ քայլ չի լինելու։

Նիկոլը «նվեր» է թուրքերի ու ադրբեջանցիների համար:

Դա չի նշանակում, որ եթե Նիկոլը գնա, դրախտը սկսվելու է, բայց նրա գնալով մենք կարող ենք կասեցնել Հայաստանի պետականության գահավիժման գործընթացը։

Ես պայքարելու եմ։

Պայքարելու եմ եւ որպես ՀՀ քաղաքացի, և Հանրապետական, քանի որ Աշոտ Նավասարդյանի, Վազգեն Սպարապետի, Անդրանիկ Մարգարյանի կյանքի նպատակն է եղել Ազգային Հայաստանի ու Ազատ Արցախի կերտումը։

Շարժումն ապացուցեց՝ Նիկոլը չի ներկայացնում հայության նպատակներն ու պահանջը։

Նա գոյություն չունի որպես իշխանություն։

Նիկիլիզմի պարտությունը սկսվել է, իսկ Հայի հաղթանակն՝ անխուսափելի է»։