The Wall Street Journal օրաթերթը դադարեցնում է Եվրոպայում տպագիր տարբերակի գործունեությունը
Ամերիկյան The Wall Street Journal օրաթերթը դադարեցնում է Եվրոպայում եւ Ասիայում իր տպագիր տարբերակի գործունեությունը։ Այս ուրբաթ լույս է տեսել եվրոպական տարբերակի վերջին համարը, իսկ մեկ շաբաթից կտպագրվի Ասիայում վերջին համարը, փոխանցում է ՌԲԿ–ն։
Թերթի միջազգային տպագիր տարբերակների փակումը ամբողջ թերթի մասշտաբային վերակազմավորման մի մասն է։ Պարբերականը մտադիր է մեծ ուշադրություն դարձնել վեբ տարբերակին։
Վերջին տարիներին WSJ–ն արտասահմանում վաճառքի ծավալների կտրուկ անկում էր գրանցել թվային տարբերակի բաժանորդների թվի աճին զուգահեռ։ Այդ պատճառով արտասահմանյան խմբագրություններ պահելն ուղղակի շահավետ չէ։