Թուրքիայի ԱԳՆ-ն երկրի քաղաքացիներին կոչ է արել Իրաքի Քուրդիստանից հեռանալ
Թուրքիայի ԱԳՆ-ն երկրի քաղաքացիներին կոչ է արել Իրաքի Քուրդիստանի ինքնավարության տարածքից հեռանալ նախքան նրա հետ ուրբաթ ավիահաղորդակցության դադարեցումը: «ՌԻԱ Նովոստի»-ի փոխանցմամբ՝ այս մասին նշված է Թուրքիայի ԱԳՆ հայտարարության մեջ:
«Հյուսիսային Իրաքում մնալու ծայրահեղ անհրաժեշտություն չունեցող մեր քաղաքացիների համար օգտակար ենք համարում նրա տարածքից հեռանալ մինչեւ սեպտեմբերի 29-ին, ժամը 18.00-ին նրա հետ ավիահաղորդակցության դադարեցումը»,- նշված է հայտարարության մեջ:
Նախօրեին Էրբիլում Թուրքիայի գլխավոր հյուպատոսությունը հայտարարել էր, որ թուրքական ավիաընկերությունները կդադարեցնեն Իրաքի Քուրդիստանի օդանավակայններից ավիաչվերթների կատարումը: Ավելի վաղ Իրաքի Քաղաքացիական ավիացիայի վարչությունը հայտնել էր, որ սեպտեմբերի 29-ին, տեղական ժամանակով ժամը 18.00-ին բոլոր միջազգային չվերթները կդադարեցվեն Էրբիլի եւ Սուլեյմանիայի օդանավակայաններից: