Թրամփը կոչ է արել նվազեցնել հարկերը
Ամերիկայի Միացյալ Նահանգների նախագահ Դոնալդ Թրամփը կոչ է արել նոր հարկային ծրագրի շրջանակներում նվազեցնել ընկերությունների եւ հարուստ քաղաքացիների հարկերը, հաղորդում է «Ամերիկայի ձայնը»:
Ծրագիրը նախատեսում է ընկերությունների եկամտահարկի 20 տոկոսի նվազեցում եւ բարձր եկամուտ ունեցող քաղաքացիների տոկոսադրույքի 39.6 տոկոսից մինչեւ 35 տոկոսի կրճատում:
Ըստ Թրամփի՝ այսօր ԱՄՆ-ն տարեկան միլիարդավոր դոլարներ է կորցնում, եւ հարկային բարեփոխումները նախատեսված են պարզեցնելու հարկային համակարգը, խթանելու բիզնեսի զարգացմանը եւ աջակցելու միջին դասի:
Թրամփը կոչ է արել օրենսդիրներին որքան հնարավոր է շուտ հաստատել իր հարկային ծրագիրը: Նրա կարծիքով Կոնգրեսում շատ դեմոկրատներ կքվեարկեն իր հարկային բարեփոխումների օգտին: