Այո՛, ես համոզված եմ , որ դատավոր Բորիս Բախշիյանը քաղաքական բանտարկյալ է. Իշխանյան
«Փորձել եմ միշտ ձեռնպահ մնալ նախկին քաղհասարակության, նախկին իրավապաշտպաններին քննադատելուց, որոնց հետ նախկին իշխանությունների ժամանակ համագործակցել եմ։ Սակայն, այսօր կարդացի նրանցից մեկի գրառումը․«Եթե դատավորին համարում ես քաղաքական բանտարկյալ, ապա ընդունում ես, որ դատավորը քաղաքական գործիչ է։
Բայց այդ դեպքում, ինչպես կարող է դատավոր հանդես եկող անձը հանդիսանալ քաղաքական գործիչ, այս երկու հասկացություններն ուղղակի անհամատեղելի են» »,- այս մասին իր ֆեյսբուքյան էջում գրել է իրավապաշտպան Ավետիք Իշխանյանը:
«Այս քննադատությունն ինձ էլ է վերաբերում, քանի որ, այո՛ ես համոզված եմ , որ դատավոր Բորիս Բախշիյանը քաղաքական բանտարկյալ է, ուստի և ստիպված եմ պատասխանել ականավոր իրավապաշտպանին։
Ի գիտություն, բոլորին։
Տարբեր ժամանակներում քաղաքական հետանդումներ, կալանավորումներ, խոշտագումներ, գնդակահարություններ իրականացվել են ոչ միայն քաղաքական գործիչների նկատմամբ։
Ստալինյան շրջանում կալանավորվել, աքսորվել և գնդակահարվել են բազմաթիվ մարդիկ, ովքեր չեն եղել քաղաքական գործիչներ։ Օրինակները բազմաթիվ են, սկսած Ակսել Բակունցից, Հրաչյա Աճառյանից և շարունակած տասնյակ հազարավոր անմեղ մարդկանցով, որոնց մեջ եղել են նաև դատավորներ։ Նրանք բոլորը համարվում են ստալինյան շրջանի քաղաքական հետապնդումների, ահաբեկչության զոհեր։
Այնպես որ, «եթե քաղաքական, ապա քաղաքական», թվացյալ «տրամաբանությունը», բացարձակապես տրամաբանական չէ, հատկապես, երբ այն ասվում է, իրեն իրավապաշտպան համարող անձնավորության կողմից։ Երբ երկրի ղեկավարը հրահանգում է իր գրպանային «իրավապահ» մարմիններին քր․ գործեր մոգոնել և կալանավորել իրեն չենթարկվող անձանց, լինեն նրանք քաղաքական գործիչներ, համայնքապետեր, ուսուցիչներ արվեստագետներ, թե դատավորներ, նրանք բոլորը համարվում են քաղաքական հետապնդվողներ և քաղբանտարկյալներ։ Սա տարրական ճշմարտություն է և ցավալի է, որ դրանից անտեղյակ է ականավոր իրավպաշտպանը։ Իսկ գուցե ես սխալվում եմ, նա շատ լավ գիտակցում է այս ամենը, բայց այդպես են պահանջում նրան պատվեր իջեցնողները։ Եվ այդ դեպքում հարց է առաջանում, թե ով է իրականում քաղաքական գործիչը, դատավոր Բորիս Բախշիյանը, թե՞ այս իրավապաշտպանը»-գրել է Ավետիք Իշխանյանը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է